CURRICULUM VITAE

Kunstnarleg verksemd i 2009

·       Arrangering for Festspela i Bergen (Premiere på ”Elephant Stories”)

·       Utgjeving av ny gitarmusikk på Chanterelle forlag i Tyskland

·       Filminnspeling med Den Norske Gitartrio

·       Transkribering av Piazzolla for ny CD med Roar Engelberg/Stein-Erik Olsen (kjem ut i november)

·       Kyrkjekonsert med Linda Øvrebø, song ("...ein himmelsk opptur...) (Fjordingen)

·       Konsert på Det Norske Teatret i Oslo saman med Margot Sande, diktlesing

Øyvind Lyslo kjem frå Sandane i Nordfjord. Han har musikkutdanning frå Griegakademiet, Norges Musikkhøgskule i Oslo og Musikkhøgskulen i Frankfurt. I tillegg til ei rekkje konsertar og turnear her i landet for m.a. Rikskonsertane, har han gjeve solo- og kammerkonsertar i Tyskland, England, Venezuela, Sverige, Island, Polen, Nederland, Skottland og Øst-Timor, og han har fått ei rekkje glimrande kritikkar for sitt gitarspel.

CD’en "Syngande strenger" med Arne M. Sølvberg (hardingfele/fele) vart nominert til Spelemannsprisen i 1991. Sølvberg/Lyslo har også hatt konsertar fleire gonger på Førde Internasjonale Folkemusikkfestival. 

Øyvind har også medverka som musikar, arrangør og komponist i større eller mindre grad på omlag 15 CD-produksjonar sidan 1990, i eit musikalsk spenn frå folkemusikk til klassisk, latinamerikansk, samtidsmusikk og viser. På CD’en "Tonar frå mitt ringe strengespel" med musikk av hardangerkunstnaren Dagfinn Instanes, arrangerte han samtlege spor i tillegg til at han også medverka som musikar. Han har også komponert og spelt inn musikk for NRK radio og TV. I tillegg til å vere musikar, komponerte og arrangerte han også musikk saman med Einar Mjølsnes for Sogn og Fjordane Teater til forestillinga "100 år og like stri" med premiere på Førde Internasjonale Folkemusikkfestival i juli 2005. I 2007 medverka han som musikar og komponist på "Hundreds of memories", eit fransk-norsk multimedieprosjekt med moderne dans, video, animasjon og musikk.

Øyvind Lyslo samarbeider jamleg med eit breidt spekter av utøvarar innan ulike genrar, som Linda Øvrebø (song), Reidun Horvei (song), Arne M. Sølvberg (hardingfele/fele), Den Norske Gitartrio (Njål Vindenes, Egil Haugland og Øyvind Lyslo), Bjarte Sætre (glasmusikk), Margot Sande (diktlesing) og Folkemusikarane i Sogn og Fjordane. Øyvind har også hatt samarbeid med gitaristane  Alfonso Montes, Irina Kircher, komponisten Per Indrehus, Laila Kolve (blokkfløyte), Einar Mjølsnes og Håkon Høgemo (hardingfele), Kjersti Wiik og Grethe Svensen (song) i tillegg til den amerikanske gitaristen Mike Gallaher.

Øyvind Lyslo har brei pedagogisk og administrativ erfaring, m.a. lang erfaring som produsent for Rikskonsertane og Sogn og Fjordane fylkeskommune der han framleis er tilsett, i tillegg til over 25 års erfaring  som utøvande musikar og gitarpedagog i fleire musikkskular, høgskular og vidaregåande skular. Han har også arbeidd som distrikts- og regionsmusikar og har hatt fleire eigne kurs og seminar i inn- og utland. Han er også aktiv som komponist og arrangør, og hadde m.a. ei urframføring for brassband i 2005, og har i tillegg komponert musikk for både radio og TV. I 2007 og 2009 var han representert som komponist med fleire gitarkomposisjonar i Duo Montes-Kircher si repertoarbok, utgjeve på Chanterelle forlag i Tyskland. I 2009 arrangerte han musikk til urframføringa av "Elephant Stories" ved Festspillene i Bergen. Han har også vore nytta som musikkskribent i både norsk og engelsk fagpresse, t.d. Classical Guitar.

Kritikkar

"A classical guitarist of the highest calibre" (Paul Fowles, Classical Guitar)

 "So breathtakingly played that it surpassed all expectations." (Classical Guitar)

 "An astonishing recital." (Classical Guitar)

 "Lyslo is an outstanding guitarist with musical achievements on the highest artistic level. His virtuosic skills, secure technique and high level of musical expression, qualify him as an independent artist with a strong and individual musical expression."

 "Herr Lyslo ist ein aussergewöhnlicher Gitarrist, dessen musikalische Leistungen auf höchstem künstlerischen Niveau stehen. Sein Spiel, das neben technischer Sicherheit durch Virtuosität und ein hohes Mass an musikalischer Expressivität charakterisiert ist, qualifiziert ihn als eigenständige Künstlerpersöhnlichkeit mit starker, individueller musikalischer Aussage."

 (Prof. Michael Teuchert, Hochschule für Musik, Frankfurt a.M.)

 "Briljant felespel med glitrande godt gitarakkompagnement" (Spelemannsbladet)

"...ein fryd for øyra." (Spelemannsbladet)

"...eit særdeles spennande, smakfullt, godt og rytmisk akkompagnement" (Spelemannsbladet)

 "The Norwegian Guitartrio finally came together to present one of the most entertaining concerts of the week..." (Classical Guitar)

 "En nytelse" (BA)

 "En konsertopplevelse preget av sjelden kvalitet." (BA)

 "For det var direkte imponerende å sitte ringside å studere hvordan tre hjerner og tredve fingre var synkronisert til fingerspissene." (BT)

 "Gitarvirtuoser med blendende samspill" (Sandefjord blad)

 "En fantastisk intimkonsert med en imponerende samspilt trio" (Sandefjord blad)

 "Blendande intimkonsert" (Firda)

 "Rytme og klangnyansar ein mest ikkje skulle tru var mogleg å få til på gitar" (Firda)

"Det er vanskeleg å finne passande superlativ til konserten, difor samlar vi det i eit ord, nemleg strålande" (Firda)

 "Kort og godt imponerende" (Fædrelandsvennen)

 "Forrykende rytmisk og festlig" (Agderposten)

"Spel og tonar frå øvste hylle" (Firda)

"Dei eminente musikarane Oddbjørn Ramstad, Øyvind Lyslo og Harald Hesjevoll trollbatt fullstendig tilhøyrarane med vidunderleg mangfald" (Firda)

Utdanning

·     Universitetet i Bergen, Motivasjonspsykologi (2009)

·     Universitetet i Bergen, Personalpsykologi (2008)

·     Universitetet i Bergen, Arbeids- og Organisasjonspsykologi (2008)

·     Høgskulen i Sogn og Fjordane, "Ta pulsen på språket" (2007)

·          Hochschule für Musik und Darstellende Kunst, Frankfurt am Main,  DAAD-stipendiat (1986-1988)

·          Norges Musikkhøgskule, diplomstudiet CAND.MUSICAE - Master of music (1984-1986)

·          Griegakademiet, solistisk vidareutdanning  CAND. MAG. - Bachelor of music (1982-1984)

·          Griegakademiet, instrumentalpedagogisk grunnutdanning (1979-1982)

·          Universitetet i Bergen, Examen Philosophicum (1981)

Yrkespraksis

·          Fylkesmusikkleiar og fylkesprodusent, Sogn og Fjordane fylkeskommune / Rikskonsertane (1992- )

·          Gitarlærar, Naustdal kulturskule (1996-)

·          Gitarlærar, Førde kulturskule (1997-2001)

·          Gitarlærar, Hafstad vidaregåande skule, Førde (1994-1996)

·          Lærar, Høgskuleutdanninga på Sandane (1989-1992)

·          Distriktsmusikar, Gloppen kommune (1988-1992)

·          Regionsmusikar, Kvam kommune (1983-1985)

·          Gitarlærar, Åsane Folkehøgskule, gitarlærar (1981-1983)

Utøvande verksemd (sjå lyslo.net/calendar.html)